ज़ख्म और Aarzoo

Tees teeron ki tarah chubhe hardum,
Udaari kam na ho payi kabhi,
Zakhm zo diye tere ishq ne,
Gam se bhi na bhar paye kabhi!

Lutata gaya har pal teri yadon mein,
Tera khyal chod na paye kabhi,
Hamesha ka dard kama liya,
Jina seekh na paye kabhi!

Zindagi ko haarte gaya har pal,
Mohabbat teri mili na kabhi,
Maut ka saamaan liye ghumein sada,
Chaand sa tukda dekh na paye kabhi!

Chod dete ye zahan eik arsa pehle,
Teri aas dil se miti na kabhi,
Eik didar ki aarzoo rahi hamesha,
Ise dil se nikal na paye kabhi!!!